కరావలంబనం

   చేతల్లో చేతుల్లో , నడతల్లో నడకల్లో. .ఊహల్లో వూసుల్లో,ఆటల్లో పాటల్లో,సాహిత్యాల్లో,  సౌహిత్యాల్లో ,  యిలలో ,కలలో . పరస్పర     బంధ బంధితమై ,స్వచ్చమైనదే స్నేహబంధం .

     ఆ బంధం నిరంతరం అనుబంధం కావాలి.  పరస్పర అభివృదికి పునాదిరాళ్ళు కావాలి.

  ఆనాడే మానవుడు మహనీయుడు అవుతాడు
.

                    హస్తి ముఖుని  దీవన .

            హస్తము హస్తముంగలసి హాసమునొందెడు స్నేహశీలి - ప్రా

            శస్త్యముజెందుచున్బహుళ సద్గుణ దీపిత మాననీయుడౌ 

            సుస్తవనీయుడై సుమవికాస కళావికసన్మణే  యగున్
            హస్తిముఖావతంసు దరహాస విలాసపు  దీవనాలిచేన్ .  

విశ్వప్రేమ

                                    ౪.      విశ్వప్రేమకు నర్హత వినయమంచు, 
                                 
                                   చాటి చెప్పిరి ఎందరో మేటి ఘనులు.

                                   వినయ సంపన్నుడెప్పుడు వేడ్క పడును,   

                                    ప్రేమ పంచగ,పెంచగ పెన్నిధనుచు.

                          ౫.     వినయ మనయంబు విజ్ఞాన విస్తృతంబు,

                                  వినయమొక్కటే సద్భావ విభవమగును. 

                                  ఇట్టి  సద్గుణ జాలంబు  పట్టువడిన,

                                 విజయవంతంబు నిరతంబు విశ్వప్రేమ . 

తెలుగు వెలుగులు

   

 ౧. తెలుగుపద్యాలు చదివిన  తేనెలూరు  

      తెలుగుపద్యాలు సర్వదా ధిషణ పెంచు, 

      తెలుగు పద్యాలు నిరతంబు ధైర్య మిచ్చు .

      తెలుగుతనమది ఆధ్యాత్మ స్థితిని బెంచు.

౨.  తెలుగు వెలుగులు గగనాన వెలుగవలయు.

      తెలుగు భాషకు పట్టంబు నిలుపవలయు. 

      తెలుగు తెలుగంచు ప్రభుతయు మెలగవలయు.

      తెలుగున కపుడె గౌరవ తీరు బెరుగు .

విమర్శ .

విమర్శ సాహిత్యానికి గాని, సౌహిత్యనికి గాని, క్రియకి గాని , కర్తకి గాని  మనోభావాలకు అనుగుణంగా నడచుకోవటానికి ఒక మార్గదర్శకం. విమర్శ చేసేవారికి కనిపించే కోణాల సరళి రచయితకి కనిపించక పోవచ్చు . రచయితకి కొన్ని కోణాలు తప్పు కాకపోవచ్చు . దానిని విమర్శకుడు చాల సున్నితంగా సూచిస్తాడు, నొప్పించకుండా ఒప్పిస్తాడు. కదా . అతడే నిజమైన విమర్శక  చక్రవర్తి . అందుకే  కవికి విమర్శకునికి ఎల్లప్పుడు                  అవినాభావసంబంధం ఉంటుంది.   అలాఉంటేనే కవితకుఒక మనోహరత, మనోజ్ఞత,  సుకుమారత, పరిమళత  అబ్బుతాయి .ఆనాడే సాహితీవనంలో ప్రతి చిరులత,కొమ్మ విరబూస్తుంది.అది బృందావనం అయి  మాధవ మురళికి పని కల్పిస్తుంది.

చిరంజీవి కిరణ్ కి 36 వ జన్మ దిన శుభాకాంక్షలు .

 చిరంజీవి కిరణ్ కి 36వ  జన్మ దిన శుభాకాంక్షలునీకు ప్రతి పుట్టిన రోజు మధుర మనోజ్ఞం, సుందర దరహాస భావనాసమాలోచనం కావాలని , ఏ దేశమేగిన పుట్టిన దేశాన్ని, అలానే తల్లి దండ్రులను , మానవత,మమతానురాగాలను హృదయ కుహరంలో భద్ర పరచుకోవాలని , అను నిత్యం సుఖ సంతోషాలతో ఉండాలని కోరుకుంటూ ......అమ్మ నాన్నగారు

ఆగ్రా

             ఆగ్రా . తే. గీ. ౨. కళల కాణాచి ఐనట్టి కర్మభూమి.

                                                  యోగి  పాదాలు తాకిన యోగ భూమి  

                                                                   శాంత వీరాలు కలసిన సౌమ్యభూమి.

                                                                   భరత భూమిక దీటైన ధరణి కలదె


                                      తే.గీ .   పాలరాతిన నీడయై పాదుషాఏ ,                                                                                                    తిరుగుచుండును సతతంబు స్థిరముగాను . 

                                                  తనదు నెచ్చెలి జీవిక ధన్యమవగ 

                                                  తర తరంబులు కీర్తులు తారలవగ 

                                                                                                                                            తే.గీ.౪.    ప్రేమబంధాలు మనములపెనచివేయ

                                        రాజు మదినిండ ప్రియురాలి మోజు పెరిగి

                                 విశ్వవిఖ్యాతమహలుగావెల్గుచుండె,

                         
                                  తాజ మహలను పేరున తరతరాలు .

                        

ఇలా మా అనుభవాలు మీరును పంచుకున్నందుకు  కృతఙ్ఞతలు.

• 

అలహాబాదు, ప్రయాగ, ఆగ్రా

అలహాబాదు, ప్రయాగ  ,  త్రివేణి సంగమ స్థలము.  అనుభవాలు

                                  తే.గీ ౧. గంగ మునుగంగ కలుషాలు కాలి పోవు ,

                                             మూడుగంగలుకలసిన మోక్ష మబ్బు .

                                               అలహాబాదున నియ్యది యమరి యుండె,

                                              దాని ప్రాశస్త్య మన్యదా   కానగలమే ?

                              తే.గీ. ౨.మధుర భావాలు వెల్లువై మనసునందు .

                                          అలహాబాదును స్మరియింప నలవికావు 

.                                        మూడు పడవల నడుమను మునిగి లేచు , 

                                          అనుభవంబది వేరొండు నంద గలమే ?

 ఆగ్రా .. తాజ్మహల్ .మా మధుర అనుభూతులు.

                            తే .గీ . ౩. దేశ దేశాల వాసులు దిశలు నిండ . 

                                        ఆగ్ర పట్టణ మన్నను ననవరతము

                                        కాంచ వత్తురు కళల పై కాంక్ష కలిగి

 .                                      భరత శిల్పుల ఉలులకు హారతిడగ.