విరూపాక్ష స్వామీజీ దర్శనమ్. ది .18.01 .14.

                                                      విరూపాక్ష స్వామీజీ దర్శనమ్.  ది .18.01 .14. 

విరూపాక్ష స్వామీజి  ఈ రోజు యల్లాప్రగడ ప్రభాకర్ యింటికి వచ్చి ఆతిధ్యం స్వీకరించారు . 30 మంది శిష్య బృందం తో వచ్చారు . వారిలో చాల నిశిత పరిశీలనా పటిమ కనబడింది . అది వారి తపస్ శక్తికి నిదర్శనం గ కనబడింది . అందరిని ప్రేమ పూర్వకముగా , ఆత్మీయముగా పలుకరించారు. చక్కని సంస్కృత సంభాషణ కలిగి ఉన్నారు  , పాద పూజను సున్నితంగా కాదనుట ద్వారా తమ గురువుల పై గల భక్తీ , ప్రేమ కనబడింది . ప్రభాకర్  ను  సహస్ర గాయత్రి చేయమన్నారు  ,అందరికి ప్రేమతో ఆశీస్సులిచ్చారు .    తద్వారా ఆగ్రహారానికి మేలు జరుగుతుందని అన్నారు . గాయత్రి మాత  జపం నిజంగా ఎంతో శక్తి వంతమైనది . న గాయ త్ర్యాహ్ పరమమ్  మంత్రం   (గాయత్రీ దేవిని మించిన మంత్రం లేదని )  అన్నారు మహర్షులు . నిబద్ధత, క్రమ శిక్షణ , నిర్మలత్వం . ప్రేమ ఎక్కడ ఉంటాయో అక్కడే పర మాత్మ స్వరూపమ్ ఉంటుంది నిస్సందేహం గ .  నేను రామ కృష్ణ మఠం వారి ప్రచురణ గ్రంధం  మనసు అనేది ఒకటి యశ్వంతాపూర్ లో కొన్నాను. దాని సారాంశం అంతా శుద్ధ చైతన్య స్వరూపమైన మనసును కలిగిన వాడే దయామయుడై , సత్వగుణ సంపన్నుడై , ఆత్మ స్వరూపమ్ తెలిసికోగలుగు తాడని ఉన్నది.  క్రమం తప్పని అభ్యాసమే , దీని కి పునాది అవుతున్ది. దీని లో ఆత్మను దర్శించటానికి , తద్వారా నీకు , దానికి తేడా లేదని ,( సోహం, అయమాత్మా పరబ్రహ్మ)  దానికి నిరంతర ఓం కారం , లేదా యిష్ట దైవ స్మరణ గాని  దోహద పడుతుందని  పేర్కొన్నారు . నాకు ఆ గ్రంధ సారాంశమే స్వామీజీగా కనిపించారు.  

,పొన్నె కల్లు , హై స్కూల్ కి 21.1 2.1 3.

 గుంటూరు , శ్రీ రామ మామయ్య కార్యక్రమము సందర్భము గ ,పొన్నె కల్లు  , హై స్కూల్ కి 
వెళ్ళినప్పటి చిత్రాలు . 21.1 2.1 3. 

దివ్య దీపావళి శుభాకాంక్షలు

     చెడుగు చీకట్ల నిరతంబు చీల్చివేయు             3.11.2013.

     వెలుగు రేఖలు జీవన వేల్పులనగ

    మాన వాళి కి లభియించె మహితగతిని

    దివ్యదీపావళింటింట తేజమలర .1. 

    రాక్ష సంబైన పనులకు శిక్ష నునిచి 

    రమ్య ,సౌజన్య భావాలు రాణకెక్క
  
    మహిని నరకుని నరకి మాన్య సత్య 

    కంట కంబును దొలగించె వింటి చేత 2
.
 .  దీపమన్దున శ్రీలక్ష్మి దేవి యుండి

    పాప హరణంబు గావించి పరమ పుణ్య

    హేతు వగచును ప్రజలెల్ల హేల మెలగ

    వరము లిచ్చును క్రీగంటి కరుణతోడ 3.        

మధురాను భూతి .

                                                                       మధురాను భూతి . 20. 10. 13. 


బ్రహ్మశ్రీ మల్లాది చంద్రశేఖర శాస్త్రి  గారిని ప్రత్యక్షంగా  చూడటమే ఒక మహత్తర దివ్యాను భూతి . వారితో మాట్లాడటం మరువలేని మధురాను భూతి . వారిరువురు ( దంపతులు ) పార్వతీ పరమేశ్వరుల ప్రతి రూపమ్ . నేను వారిని గురించి పద్యాలు వ్రాయటం చాల ఆనంద దాయకం . జన్మ తరించి నట్లుగా భావిస్తాను . వారి పురాణ ప్రవచనమునకు వయస్సు సప్తతి (70. సం .లు ) ఈనాటికి వారి వయస్సు 90 వసన్తాలు. స్వరం ఆనాటికి ఈనాటికి ఏమి తేడా లేదు . సాక్షాత్ వాల్మీకి  , వ్యాస ముని రూపమె. ఈనాడు వారికి  సువర్ణ పుష్ప సహిత రజత కిరీటం ( ప్రభాకరశర్మ, సుధారాణి చేత )అలంకరించటం జరిగిన్ది.  తదనంతరం  వారిని గురించిన పద్యాలు చదివి వినిపించడం , దానికి వారు మహదానంద భరితులు కావడం , ఆ సందర్భం గ వారితో మాట్లాడటం  పురాకృత పుణ్య విశేషంగా భావిస్తాను . 

     ఈ మహత్తర అవకాశం  నాకు చి. ప్రభాకర శర్మ ద్వారా  లభించిన్ది.  ఆనాటి సభానిర్వాహకులు జొన్నవిత్తుల రామలింగేశ్వరరావు గారు.( సినీ  కవి .)  ప్రధమంగా నా పద్యాలు  వారికి చదివి వినిపించాను.  నేను పద్యాలు వ్రాద్దామని అనుకున్నాను . మీ పద్యాలు విన్నతరువాత అభిప్రాయం మార్చుకొన్నాను మీ పద్యాలు చాలా బాగున్నాయి వానినే అచ్చు వేయించి సమర్పించండి అని చెప్పటం నాకు మహదానందం కలిగించింది  . పద్యాలు చదివిన తరువాత  విభీషణ శర్మ గారు, ( తి . తి .దె . సాహితీ కార్యక్రమ నిర్వాహకులు ) వల్లూరి శంకర శాస్త్రి గారు ( తి . తి .దె . ప్రముఖులు ) చాల మంచిపద్యాలు బాగా చదివారని ఆశీస్సులన్దించటం 
మిగుల ఆనందాన్ని కలిగించిన్ది. ఇంతటి మహనీయుడు పుట్టిన అమరావతి కి ( గుంటూరు జిల్లా) సమీపంలోనే నేను జన్మించడం నా భాగ్యమ్.  

మల్లాది వారికి మనోహర సన్మానం .

మల్లాది వారికి మనోహర

సన్మానం .

అక్షర నీరాజనం 20. 10. 2013

 అభి నవ వ్యాస , సవ్య సాచి . బ్రహ్మశ్రీ  మల్లాది చంద్రశేఖర శాస్త్రి గారికి . యల్లాప్రగడ  ప్రభాకర  శర్మ గారి చేత 

 20. 10. 2013 న  సన్మాన కార్య క్రమము . ( సువర్ణ పుష్పసహిత రజత 

 కిరీట ధారణ ) 

                                                       అక్షర నీరాజనం 

1. సి.  కృష్ణా జలంబు లు తృష్ణ దీరగ ద్రావి ,

                  వేద సారము పంచు విజ్ఞు లెవరు 

         వైదిక జ్ఞానియై వాదనన్ గెలువంగ

                  తాత  చైనుల మేధ తరచే నెవరు

          కమ్మని స్వరమున కవితా ఝరులిల

                   ధారలై పొంగించు దాత ఎవరు

 తే . గీ .  వారలెవ్వరొ కాదుసు వసుధ యందు

             చంద్ర శేఖర శాస్త్రి నాన్ చదువులయ్య

             బ్రాహ్మి పుంభావ రూపంబు వాస్తవముగ

             పాద పద్మంబు లర్పించి ప్రణతు లిడుదు 

ప్రకృతి పురుషుల ఆరాధనే . వినాయక చతుర్థి. .

ప్రకృతి  పురుషుల ఆరాధనే . వినాయక చతుర్థి. .

ప్రకృతి పురుషులు వేరెవరో కాదు . ( ఆది దంపతు లైన
పార్వతీ పరమేశ్వరులు )
        శ్లో . వాగర్దా వివ  సంపృక్తౌ వాగర్ధ ప్రతి పత్తయే , 

              జగతః పితరౌ వందే పార్వతీ పరమేశ్వరౌ .

ప్రకృతి, పార్వతి. పురుషుడు పరమశివుడు . ఈ సత్యాన్ని నమ్మిన వాడే మనవినాయక స్వామి. అందుకనే కుమార స్వామి కి తనకి వచ్చిన సేనా నాయకత్వఆధిపత్య పోరులో విజయం కొరకు  అతి సులువైన మార్గాన్ని తన తండ్రి అయినపరమేశ్వరుని ద్వారా తెలిసికొన్నాడు . అదే తల్లి దండ్రులకు సభక్తిక ప్రదక్షిణము.
కుమారస్వామికి తాను స్నానం చేసిన మూడు కోట్ల ఏబది లక్షల నదులలో
తన అన్నగారు ముందుగా స్నానం చేసినట్లు కనిపించాడు . దానికి కారణం
తెలియక విస్తుపోయాడు ,కుమారస్వామి. సూక్ష్మం లో మోక్షం గ తలిదండ్రులకుప్రదక్షిణం చేసి విజయం సాధించి , సర్వ సైన్యాధి పత్యాన్ని , సంపాదించాడు తెలివిగావినాయక స్వామి.  కనుక పార్వతీ పరమేశ్వరుల వంటి తలిదండ్రుల పూజ మహోన్నత మైనదనినిరూపించాడు బొజ్జ గణపతి. సమాజ శ్రేయస్సుకు  ఇంతకన్నా కావలసింది ఏముంటుంది .

     ఇక పత్రీ , పూజా ద్రవ్యాలు గురించి ఆలోచిస్తే . ఆయన కిష్టమైనది ముఖ్యం గ గరిక. దీనితో పూజిస్తే , సమస్త పూజా ద్రవ్యాలతో, పత్రులతో పూజించినట్లే .ఎక్కువ ధనం వెచ్చించకుండా సామాన్యుడుకూడాసులువుగా  పూజించే విధం గ ఏర్పాటు చేసినదే గరిక పూజ.    కాని మనం  సమస్త ఆయుర్వేద శక్తులు దాగి ఉన్న 21 పత్రాలతో పూజిస్తె ఆరోగ్య పరంగా , ఆధ్యాత్మిక పరంగా మంచిదని విజ్ఞులు చెప్పటం వలన ఆయా పత్రాలను సభక్తి కముగా సేకరించి పూజిస్తాము. ఈ విధంగా మనం నిర్మల భక్తి తో పూజ చేస్తే మన హృదయసరోవరంలోనే విహరిస్తాడుబుజ్జి  ( బొజ్జ )  గణపతి .
    ప్రతి పూజలో లౌకికము , పార లౌకికము ఉంటాయి . మట్టి తో చేసిన గణపతికి పూజ చేసి, నిమజ్జనం చేస్తే ,ప్రకృతి , ప్రకృతి లో కలసి పార లౌకికత  సిద్ధిస్తున్ది. కనుక మనమందరం అవకాశం మేరకు మృణ్మయ గణపతినేత్రికరణ శుద్ధిగా పూజ చేసి మనోభీస్టాలను సిద్ధింప జేసుకొందాము .
   శుభం భూయాత్.  సర్వే జనాః సుఖినో భవంతు .