అందరికి స్వాతంత్య్ర దినోత్సవ శుభాకాంక్షలు.
15.08.2021
భరతమాతనుగూర్చి పాడంగ నాగొంతు
గంభీరమైతోచి గర్వమగును
భరతవీరుల త్యాగ వైభవంబులజాట
బులకించి నాగుండె మోదమగును
భారతి గర్భాన ప్రభవించ నాజన్మ
తరియించె ననగను తలపులగును
భారత సంస్కృతిం బరదేశములయందు
శ్రేష్ఠత జాటంగ నిష్ఠయగును
అట్టి భరతాంబ శృంఖలల్ హర్షమొదవ
తెగిన పుణ్యదినంబిది తేజమలర
త్యాగధనులకు శిరమునతంబుజేసి
జెండ పండుగ జరుపగ రండు రండు!
మూడు రంగుల జెండాకు మ్రొక్కుదాము
తూలనాడెడు ద్రోహుల త్రొక్కుదాము
నేను భారతీయుడనంచు నిక్కుదాము.
అమ్మ భరతాంబ పూజించు హక్కుమనది.
కామెంట్లు లేవు:
కామెంట్ను పోస్ట్ చేయండి