తెలుపు భాష . తెలుగు భాష

     తెలుపు భాష . తెలుగు భాష

1.             విశ్వ మంత కాంతి విరజుమ్ము నాభాష ,

               వేద విదులు మెచ్చు   విబుధ  భాష 

               పాల తెల్ల దనము , పసిపాప  నవ్వులు, 
                                                                      
                కలిపి తెలుపు భాష తెలుగు భాష .

2.            తెలుప గల్గు నన్ని తేటతెల్లము గాగ,

               నిలుప గల్గు నిన్ను నింగి కంట ,

              తులువ లెన్ని మనల దుర్భాష లాడిన ,

              తూచ నలవి కాని తూర్పు కొండ .

3..          దాని గుండె తెలుపు , ధర్మసూక్ష్మము లెన్నొ  

,             దాని మోము తెలుపు ధైర్యమెంతొ

              దాని పనులు తెలుపు  దార్శ నికంబని ,  

              తెలుగు భాష యదియె వెలుగు భాష .