ఫేస్ బుక్ లోని విషయం . తప్పక సమరమును జేయఁదగుగా నరయన్
1. కం. తప్పిన మదితో దూగుచు , ముప్పును గల్గించు చుండి ముదితలనైనన్
దప్పుగ నిర్దయ దూరిన , తప్పక సమరమును జేయఁదగుగా నరయన్
2. కం . కప్పవలె బావి మ్రగ్గుచు ,మెప్పును బొందంగ జూచి మించిన కవులన్
తప్పుల బట్టంగ జూడ , తప్పక సమరమును జేయఁదగుగా నరయన్
3. కం .ఎప్పటికప్పుడు తనలో ,దప్పులనెరుగక పదుగురి తప్పులనెంచే
దుప్పితల గల్గు పులిపై, తప్పక సమరమును జేయఁదగుగా నరయన్.
4. కం . అప్పుగొని తీర్చకుండియు , తప్పించుకు తిరుగుచుండి ధన్యుడననుచున్
ముప్పే లేదని నీల్గిన , తప్పక సమరమును జేయఁదగుగా నరయన్ .
5. కం . చెప్పుచు నీతులు సతతము , గొప్పగా భావించుచుండి కూళల పగిదిన్
తప్పులజేయగా జూచిన , తప్పక సమరమును జేయఁదగుగా నరయన్ .
6.కం . తప్పుడు మాటల జెప్పుచు , నొప్పుగ స్నేహాన నుండు నున్నత హితులన్
నిప్పును ముప్పును జేసిన, తప్పక సమరమును జేయఁదగుగా నరయన్ .
7. కం. ఎప్పుడు తిప్పలుబెట్టుచు , ముప్పును గల్గించజూచు మేరకు పాకున్
చెప్పున గొట్టుచు ధృతిమై, తప్పక సమరమును జేయఁదగుగా నరయన్ .
8. కం . అప్పులు కుప్పలు జేయుచు , ముప్పుగా నేనెంత గొప్పో మేదిని ననెడా
అప్పుల రాజునూ కడుగగ , తప్పక సమరమును జేయఁదగుగా నరయన్ ..
9. కం . గొప్పది దేశము నందున , ముప్పేదియు కలుగకుండ మోదము గూర్పన్ .
ఎప్పుడు చూచెడు భటుడిల, తప్పక సమరమును జేయఁదగుగా నరయన్ ..
10. కం . కుప్పల ప్లా స్టికు సంచులు , ముప్పును గల్గించు ననిన మేరకు జనులై
తప్పును గ్రుడ్డిగ జేసిన, తప్పక సమరమును జేయఁదగుగా నరయన్ ..
కామెంట్‌లు లేవు:
కామెంట్‌ను పోస్ట్ చేయండి